ए,
तु अजुन तश्शीच आहेस की....!
धांदरट...धडपडी...बडबडी...
खिदळणारी...मुसमुसणारी...
पहिल्यांदा भेटणाऱ्याचं ragging घेणारी,
आणि त्यालाच जिवलग मित्र करणारी...!
तुझा बहर कधीच न संपणारा,
तुझा रंग कधी न उतरणारा...!
तुझ्यापासून तुटल्यावर तुझ्याकड येऊ वाटत नाही,
आणि आलोच कधी तर परत जाऊ वाटत नाही...!
कारणतु पहिल्यांदा नकार देतेस,
मग हळूच मैत्री करतेस,
नकळत कधीतरी प्रेमात पाडतेस,
मोहाची जाळ्यात गुरफटून टाकतेस...!
कधीच न उतरणारी नशा तु,
एक न उलगडलेलं कोडं तु,
समुद्राला खेचणारा चंद्र तु,
राखेतुन उठणारा फिनिक्स तु,
कोसळणाऱ्या धबधब्यासारखी जिवंत तु,
मुलांच्या हसण्यासारखी उत्स्फूर्त तु,
पगडीपासुन दाढीपर्यंत,
गंधापासून क्रॉसपर्यंत,
सातही रंगांची तु,
सातही सुरांची तु...!
तु म्हणजे,
गर्दीच गर्दी, घामाचा वास, मिसळणारे श्वास,
टाळांचे आवाज, टाळ्यांचे आवाज, टवाळांचे आवाज,
भव्य राजवाडे आणि बकाल झोपड्या...!
तु म्हणजे,
समुद्राच्या बेभानपनाची नशा चढलेले काठावरील बेभान समुद्र,
पायाला भिंगरी बांधलेली काळी पिवळी आणि गडद गुलाबी.,
नवीन नांदायला आलेली एकटी आणि भुयारी...
तु पुरानी जीन्स आहेस,
तु मुरलेली वाईन आहेस,
वय वाढेल तशी तरुण होणारी,
तु timeless queen आहेस...!
कुंकू जाऊन टिकली येतेय,
टिकली जाऊन टिंब येईल...
वयानं अजुन तरुण होतेय,
जादू तुझी अशीच राहील...!
- तुझाच दोस्त,
अभिजीत.
No comments:
Post a Comment